Өчигдөр Сонгинохайрхан дүүрэгт байрлах Худалдаа хөгжлийн банкны Таван Шар салбарт зэвсэгт этгээдүүд халдаж, 380 гаруй сая төгрөг дээрэмдсэн хэрэг гарсан. Цагдаагийн байгууллага шуурхай ажилласны үр дүнд 24 цагийн дотор сэжигтнүүдийг баривчилжээ.

Сэжигтнүүдийг өнөөдөр өглөө 09:00 цагийн орчимд баривчилж Сонгинохайрхан дүүргийн цагдаагийн алба мөрдөн шалгаж эхлээд байна. 

Цагдаагийнхан хэргийг мөрдөн байцаах шатанд яваа учраас нэмэлт мэдээлэл өгөхөөс татгалзаад 1985 болон 1992 онд төрсөн Б, Э нарт эрүү үүсгэн шалгаж байгаа гэв.