“Чайковскийн үдэш” нэртэй хийлийн тоглолтоо энэ сарын 7-нд үзэгчдийн хүртээл болгох гэж буй хийлч Дээгий тоглолтод нь оролцох дэлхийн алдартай хийлчдийн нэг  Дилана Женсоны хамт өчигдөр Хөгжим бүжгийн коллежид зочиллоо. Тэд тус коллежийн утсан хөгжмийн ангийн оюутнуудад  туршлагаасаа хуваалцаж, үнэтэй  зөвлөгөө  өгсөн юм.  Удахгүй болох тоглолт нь СТА Ч.Дэлгэрцэцэгийн хувьд зургаа дахь нь. Тэрээр хийл хөгжмийн уран бүтээлийг арав дахь жилдээ туурвиж байгаа нь энэ. Тоглолтдоо уран бүтээлчдийн  тэр бүр халдаж тоглодоггүй, хийлчдийн жинхэнэ чансааг шалгадаг П.И.Чайковскийн хийлийн  концертын гурван ангийг эгшиглүүлэх гэнэ. Энэ ч утгаараа дэлхийн хэмжээний тоглолтод тооцогдож буй юм билээ.