Сүүлийн үед манай охид залуусын сонирхолыг КРОР хэмээх урсгалаараа Солонгос орны дуу хөгжим нилээдгүй өөртөө татах болсон. Тэгвэл Солонгостоо төдийгүй азидаа нэр хүндтэй, залуусын “Super Junior” хамтлаг жил гаруй уран бүтээлээсээ хөндийрөөд байсныхаа дараа зургаа дахь цомгоо өлгийдөн авлаа. Ийнхүү шинэ уран бүтээлээрээ фенүүдийнхээ сонорыг мялаахаар зэхээд байгаа тэд цомгийн нээлтээ хийх үеэрээ дэлхий олон орнуудаар аялан тоглолт хийхээр шийдсэн байна. Эхний ээлжинд Токио, Шанхай, Парис гэсэн хотуудаар аялаад ирэх аж.