НХХЯ-ны сайд “төмөр хадагтай” гэдэг имиджтэй хадагтай Т.Ганди нь улс төрийн тавцанд байгаа үзэг нэгт нөхдийн маань нэг юм. Өнөөгийн улс төрд сэтгүүлч эрхэмүүд нилээдгүй дээгүүр заларч байгаа. Жишээлбэл ерөнхийлөгч Ц.Элбэгдорж, УИХ-ын гишүүн Уянга, Сайханбилэг, Алтай /асан/ нарыг дурдаж болно. Манай “төмөр хадагтай” бусдын адил өөрийн үндсэн мэргэжилээсээ хөндийрөөгүй бөгөөд “Атилла хаантай өнгөрүүлсэн үдэш” хэмээх өвөрмөц содон нэртэй гурав дахь номоо өлгийдөн авсан ажээ. Өмнө нь тэрээр “Сонгуулийн намар”, “Ягаан болор” хэмээх хоёр бүтээлээ уншигч олондоо хүргээд байсан билээ. Түүний шинэ бүтээл нь аян замын тэмдэглэл хэлбэрээр бичигдсэн бөгөөд номын нээлтэнд оролцсон Төрийн хошой шагналт, Ардын жүжигчин Н.Жанцанноров гуай тун сонирхолтой ном болжээ хэмээн дүгнэжээ.