Өмнөд Солонгосын нийслэл Сөүлийн Ханьшуй гол дээрх Банпо гүүр урьд нь ерийн л нэг гүүр байсан бол 2008 оноос манай гарагийн аялагч жуулчдын анхаарлыг татсан үзэсгэлэнт нэгэн болж хувирсан юм. Гүүрийн хоёр эргээс тал тал тийшээ өнгө өнгөөр оргилох ус нь нэгэн гайхамшиг болж харагддаг ч гудамж замын хөдөлгөөнд огтхон ч садаа болдоггүй байна. Банпо гүүрийн 1.4 км хашлага дээр нийтдээ 9380 цорго байрлуулснаар 60 метрийн өндөрт оргилох ус нь нэгэн зэрэг 190 тонн ус гаргадаг байна. Энэ нь тэнд байрлуулсан, хөгжмийн аяар өнгөө өөрчилдөг  190 гэрэлтүүлгийн ачаар бүр ч гоёмсог болж харагдана.