81 дэх жилдээ үйл ажиллагаагаа явуулж буй Монгол Улсын хүнсний ууган үйлдвэр "Өгөөж чихэр боов" ХХК намрын налгар энэ өдрүүдэд компанийнхаа залуу гэр бүлийнхэнд чиглэсэн маш том бэлэг барилаа.

Тус компанийн захирал С.Түмэнгэрэл намрын дунд сарын шинийн 17-ны билигт сайн өдрийг тохиолдуулан ажилчдынхаа нийгмийн асуудлыг шийдэж, 14 залуу гэр бүлд орон сууцны түлхүүр гардуулан өгсөн байна. 

Нарийн боов, жигнэмэг, талх, чихэр зэрэг нийт 130 гаруй нэр төрлийн бүтээгдэхүүн үйлдвэрлэж, нийслэл Улаанбаатар хотын нарийн боовны зах зээлийн 70 орчим хувийг ханган ажилладаг тус компанийн ажилтнуудад энэ бэлэг том сюрприз болж чадлаа.