Британийн кино институтээс кино шүүмжлэгчид, найруулагчдын дунд явуулсан санал асуулгаар бүх цагийн хамгийн шилдэг киногоор Алфред Хичковын 1958 онд хийсэн “Толгой эргэсэн нь” киног нэрлэсэн байна. 10 жилд нэг удаа  явуулдаг уламжлалт энэ санал асуулгад нэр хүнд бүхий 846 мэргэжилтэн оролцжээ. Сүүлийн хагас зуун жилд энэ жагсаалтыг найруулагч Орсон Уэллсийн “Иргэн Кейн” кино тэргүүлж байсан бол одоо хоёрдугаарт оржээ.  Кино найруулагчдынхаар бол бүхий л цаг үеийн хамгийн шилдэг 10 киногоор “Толгой эргэсэн нь”, “Иргэн Кейн”, Ясудзиро Одзугийн “Токиогийн тууж”1953, Жан Ренуарын “Тоглоомын дүрэм”1939, Фридрих Вильгельмийн “Нар мандлаа” 1927, Стэнли Кубрикийн “2001 оны сансрын Одиссей””1968, Жон Фордын “Эрэлчид”1956, “Зига Вертовын “Кино аппараттай хүн”1929, Карл Теодорын “Жанна д Аркын хүслэн” 1928, Федерико Феллиний “Найм хагас”1963 гэсэн кинонууд шалгарчээ.