Алдарт найруулагч Райдл Скотын дүү найруулагч, продюссер Тони Скот  68 насандаа таалал төгсчээ. Түүнийг Лос Анжелос хотын Винкент Томас  гүүрнээс үсэрч амиа егүүтгэсэн тухай Лос-Анжелосын цагдаагийн  газар мэдээллээ. Өнгөрсөн шөнө 00.35 минутын орчимд гүүрнээс хүн үсэрсэн тухай 911-т дуудлага ирсний дараа аврах багийнхан болон цагдаа нар Тони Скотын  цогцсыг хэдэн цагийн дараа гаргаж авжээ. Эргийн хамгаалалтын эргүүл түрүүч Женнифер Осбум  мэдэгдэхдээ гүүрний ойролцоо байдаг автомашины зогсоолд байсан  Тоёота  загварын машинаас Тони Скотын амиа хорлох тухай зурвас олдсон гэнэ. Тони Скот  "Топ Ган" "Беверли Хилсийн цагдаа II" зэрэг кинонуудыг найруулж байсан бөгөөд "Toп Ган"  кино нь 1986 оны шилдэг бүтээлийн нэг болж байсан юм. Тэрээр 1944 оны зургадугаар сарын 21-нд мэндэлсэн, 1994 онд жүжигчин Донна Скоттой гэрлэж хоёр  ихэр хүүтэй болж байсан юм.