Энэтхэг-Улаанбаатар чиглэлийн тусгай үүргийн онгоц өнөөдөр 07:58 цагт “Чингис хаан” олон улсын нисэх буудалд газардсан билээ.

Тус нислэгээр нийт 251 иргэн  ирсэн бөгөөд  Лаос улсаас 10, Энэтхэгээс 6 иргэн, 6 лам багш, Лао хотоос 229 ламхай багтаж байгаа юм. Иргэдийг ОБЕГ-ын Давтан сургалт, сургалт сэргээн заслын төв-113 дугаар ангийн “Онцгой Жаргалант” сувилал, “Сэнтий”, “Оринтал” зочид буудлуудад 21 хоног тусгаарлана. Лам хүүхдүүдийн тусгаарлах байранд байх хугацааны зардлыг Хүүхэд хамгааллын сангаас гаргахаар Монгол Улсын Засгийн газар шийдвэрлэсэн билээ.

Тэгвэл Монголын улаан загалмайн нийгэмлэгээс лам хүүхдүүдэд зориулж бэлтгэсэн шатар, буддаг ном, халдваргүйтгэгч гель, ахуйн хэрэглээний зүйлс зэрэг 137 ширхэг гарын бэлэг хандивласан байна.