12:00 цагийн байдлаар улсын хэмжээнд сонгуулийн ирц 25.13 хувьтай байгаа талаар Сонгуулийн ерөнхий хорооноос мэдээллээ. Энэ хугацаанд 176 гомдол мэдээлэл хүлээн авснаас 165 нь санал авах байрны хаяг байршлыг асуужээ. Тиймээс иргэд burtgel.gov.mn сайт болон "Сонгогчийн лавлах 1800-2800" утаснаас хаана санал өгөхөө мэдэж авах боломжтой гэв. Харин үлдсэн 11 дуудлага нь  сонгуулийн хороодын үйл ажиллагаатай холбоотой байсан бөгөөд СЕХ-ноос шуурхай арга хэмжээ авч ажиллаж байгаа юм байна.

Санал хураалт өнөөдөр 22:00 цагт өндөрлөнө. Ирцийн талаарх мэдээллийг энэ хугацаанд хоёр удаа өгөх аж. Тухайлбал 17:00 цагийн мэдээллийг 18:00-18:30 цагт, 21:00 цагийн мэдээг 22:00-22:30 цагт олон нийтэд өгөхөөр болсон байна.