УИХ-ын 2020 оны ээлжит сонгуулийн санал хураалт Монгол Улсын 21 аймаг, 9 дүүрэгт үргэлжилж байна. Санал хураалт орой 22:00 цагт дуусна. 12:00 цагийн байдлаар улсын хэмжээнд сонгуулийн ирц 25.13 хувьтай байгаа талаар Сонгуулийн ерөнхий хорооноос мэдээлж байсан. Тэгвэл дөнгөж сая хийсэн хурлаараа 17:00 цагийн байдлаарх ирцийн мэдээллийг өглөө. Улсын хэмжээнд 1.054.138 сонгогч саналаа өгч, 17:00 цагийн байдлаар 52.06 хувийн ирцийг бүрдүүлжээ.