Монгол Улсаас БНСУ-д суугаа ЭСЯ-ны Консулын хэлтэс тусгай үүргийн нислэгүүд хойшлогдсон талаарх мэдээллийг цахим хуудаснаа байршуулжээ. Мэдээллийг бүрэн эхээр нь хүргэе.
“Улсын онцгой комиссын 2020 оны 11 дүгээр сарын 11-ний өдрийн 33 дугаар хурлаар Коронавируст халдвар (Covid-19)-ын цар тахлаас урьдчилан сэргийлэх зорилгоор 11 дүгээр сарын 11-ний өдрөөс 11 дүгээр сарын 13-ны өдрийн хооронд нийслэл Улаанбаатар хотод хөл хорио тогтоох шийдвэрийг гаргаад байна. Иймд 11 дүгээр сарын 12 (пүрэв), 13 (баасан)-ны өдрүүдэд төлөвлөгдөөд байсан Сөүл-Улаанбаатар чиглэлийн тусгай үүргийн нислэгүүдийг түр хугацаагаар хойшлуулах чиглэлийг УОК-аас ирүүллээ. Иргэд үүссэн нөхцөл байдлыг ойлгон хүлээн авч, дараагийн нислэгийн хуваарь гартал хүлээцтэй байхыг уриалж байна. ЭСЯ-наас тусгай үүргийн нислэгийн шинэчлэгдсэн хуваарь гарсан даруйд мэдээлэх болно” гэжээ.
