Их Британийн Баруун Суссекс гүнлэгт 30 настай Памела Фрайзер хоёр ихэр хүүхэд төрүүлсэн нь хоёулаа өөр арьсны өнгөтэй байсан сонин тохиолдол гарчээ. Мэргэжилтнүүд ийм тохиолдол саяд нэг тохионо гэж баталж байна. Саяхан төрсөн Кэндис Эн өнгөт арьстай, хар үс, хар нүдтэй бол түүний дүү охин Алейши Лилли нь цагаан царай, тунгалаг нүдтэй юм байна. “Эцсийн эцэст би нэг их гайхахгүй байна” гэж хоёр өөр хүүхдийн ээж Памела хэвлэлийнхэнд хэлжээ. Ийм ер бусын хүүхэдтэй гэр бүлийг зугаалж явахад нь хүмүүс дөхөж ирэн элдвийн асуулт асуудаг байна. Хоёр хүүхдийн ээж аав хоёр хоёул өнгөт арьстай ч өөр өөр үндэснийх байснаас болсон байж магадгүй гэж мэргэжилтнүүд таамаглаж байна.