Индонезийн Суматра арлын ойролцоо өнөөдөр 200 гаруй хүн тээвэрлэж явсан хөлөг онгоц ачааны хөлөгтэй мөргөлдсөний улмаас живж найман хүн амь үрэгдсэн байна. Тус улсын Онцгой байдлын албаны мэдээлснээр 207 хүнийг аварчээ. Хөлөг онгоц Баруун Ява мужийн Мерак боомтоос Суматра арлын зүг зорчиж явсан юм байна.
2011 оны арванхоёрдугаар сард мөн Суматра арлын ойролцоо хөлөг онгоц живж найман хүн нас барж 60 орчим хүн сураггүй алга болж байсан юм.