Боомтын сэргэлтийн хүрээнд Алтанбулаг боомтын ачаа тээврийн хэсгийн бүтээн байгуулалтын ажил өрнөж буй. Тэгвэл эл ажлын гүйцэтгэлийг ирэх наймдугаар сард багтаан ашиглалтад оруулах зорилготой ажиллаж байгаа аж.
“Хилийн үйлчилгээг сайжруулах бүс нутгийн төсөл” буюу Азийн хөгжлийн банкнаас санхүүжүүлж байгаа Алтанбулаг хилийн боомтын шинэчилсэн төлөвлөлтийн хүрээнд хэд хэдэн бүтээн байгуулалтыг хийх билээ.
Тодруулбал,
-
Зорчигч тээврийн 19 барилга
-
ачаа тээврийн 18 барилга байгууламж
-
дэд бүтцийн таван барилга
-
ногоон байгууламж 6000м.кв
-
иж бүрэн инженерийн шугам сүлжээ зэрэг бүхий ажлууд аж.
Дээрх ажлыг хоёр үе шаттай хийх бөгөөд эхний ээлжид тусгаарлах зурвас бүхий дөрвөн эгнээ 1.7 км урттай авто зам, авто зогсоол барьж байгуулах аж. Уг ажил одоогоор дуусах шатандаа оржээ.
