Гандантэгчэнлин хийдэд шавилан суудаг хүүхэд бэлгийн дарамтад өртсөн байж болзошгүй гэсэн мэдээлэл олон нийтийн цахим сүлжээнд нийтлэгдсэн. Уг мэдээлэлтэй холбогдуулан цагдаагийн байгууллагаас хойшлуулшгүй ажиллагаа явуулан, гэмт хэргийн шинжтэй мэдээллийг гомдол мэдээлэл бүртгэлд авч, мөрдөн шалгах ажиллагааг үргэлжлүүлсэн. Тухайн асуудалд хохирсон байж болзошгүй гурван хүүхэд, холбогдсон байж болзошгүй дөрвөн хүүхэд нийт долоон хүүхдийн шүүх шинжилгээний газар дүгнэлт гаргуулахаар хандсан одоогийн байдлаар шинжээч эмчийн дүгнэлт гарсан.

Эрүүгийн хэрэг хянан шийдвэрлэх тухай хуулийн 29.3.5 хэсэгт заасны дагуу прокурорын байгууллагын зөвшөөрснөөр нийтэд мэдээлэх боломжтой гэв.

–Хэрэгт холбогдсон, хохирсон, хэрэг үйлдсэн байж болзошгүй гэсэн хүүхдүүд одоо хаана байгаа вэ?

-Хохирсон байж болзошгүй гурван хүүхдийн нэгээс ар гэрийн хүсэлт гаргасны дагуу цагдаагийн байгууллагын түр хамгаалах байранд байршуулсан. Тухайн хүүхдэд цагдаагийн байгууллагаас эрх зүй, сэтгэл зүйн зөвлөгөө өгөх зэргээр хүүхэд хамгааллын бүхий л талын үйлчилгээг үзүүлж байгаа. Хэрэгт холбогдсон дөрвөн хүүхэд хувийн баталгаа гаргуулах, засан сэргийлэх арга хэмжээ авсан. Хэрэг үйлдсэн байж болзошгүй дөрвөн хүүхдийн талаарх мэдээллийг прокурорын байгууллагын зөвшөөрлөөр нийтэд мэдээлэл боломжтой гэж үзсэний хүрээнд мэдээлнэ.

-Шүүх шинжилгээний үйл ажиллагаа хэзээ гарсан бэ?

-Хойшлуулашгүй ажиллагааны хүрээнд шүүх шинжилгээний дүгнэлт гарсан.

-Дэлгэрэнгүй мэдээлэл өгөх боломжтой юу?

-Дүгнэлттэй холбоотой эрүүгийн хэрэг хянан шийдвэрлэх тухай хуулийн 29.3.5-т зааснаар прокурорын байгууллагын зөвшөөрснөөр мэдээлэх боломжтой.

-Төв Гандантэгчэлин хийдэд цагдаагийн байгууллагаас хяналт шалгалт хийсэн үү нөхцөл байдалтай танилцсан уу?

-Цагдаагийн байгууллагаас хэрэг гарсан гэх газарт шалгалтын ажиллагаа хийсэн тухайн асуудлыг шийдвэрлэхийн тулд тал бүрээс нь шалгаж байгаа.