Баяр наадмын өдрүүдээр СХД-ийн Нэгдсэн эмнэлгээс тусгай зориулалтын дүрс оношлогооны процессор хулгайд алдсан талаар нэгэн иргэн цахим хуудсаараа дамжуулан мэдээлсэн.
Тодруулбал, "Баяр наадмын өдрүүдээр архаг хүнд өвчтэй өндөр настангууд төдийгүй залуучууд ЯТТ тусламж үйлчилгээ авах нь эрс нэмэгдэж, СХНЭ насанд хүрэгчдийн эрчимт эмчилгээний тасаг буюу бидний ярьдагаар сэхээний тасагт яг одоо гэхэд л 10 насан хүрэгчид хүүхдийн сэхээн дээр тусдаа бас хүнд хүүхдүүд үхэл амьдралын зааг дээр тэмцэж байхад энэ залуухан хулгайч эрчимтийн өвчтөнг шинжилгээнд хамруулж байхад өрөөнөөс компьютерийн процессор хулгайлжээ. Аврал эрж эмнэлэгт итгэсэн сандарч тэвдсэн ар гэрийнхэн амралтын өдрөөр дуудагдаж ирсэн эмнэлэгийн ажилчдын ар хударгаар яаж хулгай хийж чадаж байна аа. Энэ тусгай зориулалтын дүрс оношлогооны процессор" хэмээсэн юм.
Тэгвэл СХД-ийн цагдаагийн газар тус этгээдийг олж, эмнэлгийн процессорыг хүлээлгэн өгсөн байна.
