Доксури хар салхи Хятадын хойд нутгийн зарим хэсэгт сүүлийн 10 жилийн хугацаанд тохиолдож байгаагүй хүчтэй үерийг дэгдээсний улмаас Бээжин хотод хүчтэй аадар бороо орж, үерийн улмаас машинууд урсаж, зам эвдэрсэн байна.
Хоёр өдрийн турш орсон борооны улмаас Хятадын нийслэл хотын баруун зах орчмын голын голдирол өөрчлөгдөхөд хүрч, нам гүмхэн байсан усны урсгал ширүүн урсгал болон хувирч, улмаар хүмүүсийн гэр орон руу орон, гудамжуудыг нураасан гэж төрийн телевиз, олон нийтийн мэдээллийн хэрэгслээр дамжуулж байна. Наад зах нь 11 хүн амиа алдаж, 27 хүн сураггүй алга болсон гэж тус улсын төрийн хэвлэл болох CCTV мэдээлсэн байна. Мөн 127,000 гаруй хүнийг хотоос нүүлгэн шилжүүлжээ.
Харин Хятадын хойд хэсэгт есөн хүн нас барсан байна. CNN Weather-ийн мэдээлснээр бараг 22 сая хүн амтай, өргөн уудам тус хотод 48 цагийн турш дунджаар 175.7 миллиметр хур тунадас оржээ. Харин баруун дүүргүүдэд хамгийн их хохирол амссан бөгөөд хүн их нас барсан газар борооны хэмжээ илүү хүчтэй байв. Энэ шуурга нь 2012 оны үерийн улмаас 77 хүн амь үрэгдсэнээс хойших Бээжинд тохиолдсон хамгийн том үерийн гамшиг болж байна.
