Өнөөдөр өглөө хотын ихэнх хэсэгт газтай төстэй үнэр үнэртэж байгаа талаар иргэд олон нийтийн сүлжээнд бичсэн. Уг үнэрийн учир шалтгааныг тодруулахаар мэргэжлийн байгууллагууд ажиллаж байгаа талаар бид мэдээлсэн. 

Тэгвэл Дүнжингарав худалдааны төвөөс газ алдсан байж болзошгүй байгаа юм. Учир нь тус худалдааны төв өнөөдөр ажиллахгүй хэмээн иргэдийг ойртуулахгүй байгаа  бөгөөд тус бүс орчмоос газ ихээр үнэртэж байгааг иргэд хэлж байна. 

Налайх дүүргийн шуурхай штабд 2023 оны 10 дугаар сарын 11-12-ны шилжих шөнө гал түймэр болон дэлбэрэлтийн дуудлага бүртгэгдээгүй байна. Олон нийтийн сүлжээнд нийтлэгдсэн мэдээллийн дагуу Засаг даргын Тамгын газар, Онцгой байдлын хэлтэстэй хамтран дүүргийн нутаг дэвсгэрт үйл ажиллагаа явуулж буй зарим аж ахуйн нэгжүүдэд хяналт, тандалт хийхэд зөрчил илрээгүй байна.

Дүргийн мэргэжлийн байгууллагууд хамтран Төмрийн үйлдвэрүүд, Ашигласан масло дахин боловсруулах үйлдвэрт хяналт шалгалт хийхэд зөрчил илрээгүй, үйл ажиллагаа явуулаагүй байна.