Хотын дарга Х.Нямбаатар тохижилт үйлчилгээний ажилчдын цалин хөлсийг нэмж, шүүр, хүрзнээс салгана гэдгээ мэдэгдсэн. Тэрбээр "Тохижилт үйлчилгээний ажилчид маань нийслэлчүүдийн эрүүл мэнд, аюулгүй байдлын төлөө амаргүй ажлыг нугалж байгаа. Гэтэл нэг метр квадрат талбай цэвэрлэсэн үнэлэмж нь 50 төгрөг байна. Үүнийг өсгөж, хөдөлмөрийг нь бодитоор үнэлэх ёстой. Мөн шүүр, хүрзнээс нь салгах ажлууд эхэлсэн" хэмээсэн.

Тэгвэл Улаанбаатар хотын Захирагчийн ажлын албанаас Хот нийтийн аж ахуйн ажил үйлчилгээнд нэн шаардлагатай тусгай зориулалтын машин, механизм, тоног төхөөрөмж худалдан авах 23.7 тэрбум төгрөгийн тендер зарлажээ. 

Тодруулбал, 

•  " Зам, цас цэвэрлэгээний тусгай зориулалтын машин " авах -11,789,700,000 ₮

• " Олон үйлдэлт бага оврын авто ачигч " авах  -2,297,800,000 ₮

•  " Өөрөө буулгагч ачааны машин "  авах -3,476,200,000 ₮

•  " Дугуйт авто ачигч, цас үлээгчийн хамт "  авах -1,878,400,000 ₮

• " Усны барилга байгууламжийн механизм "  хийлгэх- 2,287,800,000 ₮

•  " Автомашинд суурилагдсан помп, зөөврийн цахилгаан үүсгүүр "  хийлгэх -1,985,300,000  төгрөгөөр авах аж.