Үйл ажиллагаагаа зогсоогоод байсан Улаанбаатар амьтны хүрээлэн өчигдрөөс үйл ажиллагаагаа эхлүүллээ. Тэд бууриа сэлгэн Үндэсний соёл амралтын хүрээлэн буюу Хүүхдийн парк дотор жилийн дөрвөн улирал ажиллахаар болсон байна.

Өдөр бүр 11.00-20.00 цагийн хооронд ажиллах бөгөөд тасалбарын үнийн хувьд 8000 төгрөг байна.

Амьтны хүрээлэнгийн зүгээс "Бид дахин ирлээ. Нэг хаалга хаагдахад дахин нэг хаалга нээгддэг гэсэн юутай үнэн бэ. Үнэхээр баярлаад баршгүй. Үндэсний соёл амралтын хүрээлэн буюу хүүхдийн парк дээр жилийн дөрвөн улирал ажиллахаар болсоноо дуулгахад таатай байна. Маргаашнаас буюу 2024 оны 01 сарын 06-наас өдөр бүр 11:00-20:00 цагийн хооронд ажиллана. Төв хаалгаар ороод 4 өнгийн бөмбөгөр байшин шүү. Биднийг дэмжиж туслахаар холбогдсон хүмүүст маш их баярлалаа, ямар ч хандив тусламж аваагүй том давааг даваад гарлаа. Биднийг томоос том дэмжисэн паркын хамт олондоо маш их баярлалаа. Хүрэлцэн ирж биднийг дэмжээрэй" хэмээжээ.