Чехийн нийслэл Прагийн хуучин хотын  Старе Местийн талбай дахь цамхаг дээрх ханын цаг нь дундад зуунд бүтээсэн гайхамшиг гэж болно. Энэ цаг  жил сар, өдөр, цагаас гадна нар, сарны  мандах, шингэх цаг, одод эрхсийг заана. Цаг тутам хонх дуугарахад дундад зууны хүмүүсийн дүрс гарч ирдэг нь  хүний амьдралын төрөөс үхэх хүртэлх үеийг харуулна. Эд гартаа барьсан олсоор хонх цохихоос гадна дурлалын элч илд барьсан харагдана. Энэ бүх дүрс жижиг цонхоор ээлжлэн гараад тахиа дуугарч дараа нь цаг цохино.
Энэ цагийн 1410 онд цагны мастер Микулаш Кадан, Ян Шиндел нар бүтээсэн байна. Ян Шидел нь Карлын их сургуулийн математик, одон оронч байжээ. 1490 онд цагийг энэ цамхагт байрлуулж бүр XYII зуундхүмүүсийн дүрсийг нэмсэн байна. Дэлхийн хоёрдугаар дайны төгсгөлөөр америкчууд цамхгийг буудсанаас түймэр гарч модон хийцүүд нь ихээхэн сүйдсэнийг 1948 онд сэргээжээ.
Цаг тутамд хүний гараар бүтсэн энэ гайхамшгийг үзэж, цаг цохиж эртний хүмүүс гарч ирэхийг нь харах гэж хэдэн зуун жуулчид Прагийн хуучин талбайд цугларан хүлээдэг.