Creative Art Group-ын санаачлагаар Нийслэлийн Засаг Даргын Тамгын газар Skytel ХХК хамтран  "Улаанбаатар, би чамд хайртай!" ухаалаг гар утасны видео наадам зохион байгуулах гэж байна. Энэ нь Монголд анх удаа зохиогдож, цаашид уламжлал болох наадам билээ. Энэхүү наадамд ухаалаг гар утастай хүн бүрхэн оролцож, авьяас чадвараа сорих боломжтой. Оролцогчид кино, баримтат кино, видео клип, реклам болон гэрийн бичлэг гэсэн таван сэдвээс өөртөө хамгийн ойрхоныг сонгон, гар утсан дээрээ бүтээлээ хийх юм. Бүтээлийн агуулга нь Улаанбаатар хотын хөгжил дэвшил, нийгмийн өөрчлөлт, нийгэмд тулгарч буй асуудал, хотын соёл, харилцаа, хайр дурлал зэргийн аль нэгийг илэрхийлсэн байх шаардлагатай. Сонгон шалгаруулалт хамгийн ардчилсан хэлбэрээр явагдах болно. Бүртгэл 10 сарын 1-ээс эхлээд 10 сарын 25 хүртэл үргэлжилнэ. Бүртгэгдсэн бүтээлүүдийг www.facebook.com/ubiloveyou гэсэн цахим хуудсанд 10 дугаар сарын 29 -ээс 11-р сарын 16 хүртэл албан ёсоор байршуулна. Энэ хугацаанд хамгийн их like авсан шилдэг нэг оролцогч 2012 оны 11 дугаар сарын 17-нд ялагчаар тодорно. Ялагчийг Гран При шагнал, 5’000’000 төгрөг, ухаалаг гар утас мөн Skytel -ийн 2gd data эрх хүлээж байна. Хоёрдугаар байрын эзэн 1,000,000 төгрөг, смарт таб хожино. Харин гуравдугаар байрын эзэн 500,000 төгрөг мөн смарт таб хожих аж. Бүх оролцогч Skytel-ийн 2gb data эрхийн эзэн болно.