АНУ-ын Калифорни мужийн амбан захирагч байсан Арнольд Шварценеггер тэртээ 1982 онд тоглож алдар хүнд олж байсан Конаныхаа дүрд дахиад тоглох гэж байна. Тэрээр “Конаны домог” киноны гол дүрд тоглохоор “Universal Pictures” кино студитэй гэрээгээ байгуулчихсан гэнэ. Өдгөө 65 настай жүжигчин маань “Би Конаны үйл явдалд үнэхээр дуртай, тэгээд л дахин тоглохыг зөвшөөрсөн” гэж хэлжээ. Шинэ киноны продюсерээр Конан киноны зохиогчийн эрхийг эзэмшиж байгаа “Paradox Entertainment” компанийн гүйцэтгэх захирал Фредрик Мальмберг ажиллах юм байна.