Оросын эмгэнэлт хошин шогийн киноны их мастер, зохиолч найруулагч Оросын ардын жүжигчин Эльдар Рязанов өнөөдөр 85 насныхаа ойг Москва дахь гэртээ  даруухан тэмдэглэж байна.
Одессын тэнгисийн цэргийн дунд сугуульд орох гээд өргөдөл бичиж байсан залуу ёстой л азаар Бүх холбоотын кино урлагийн дээд сургуульд орж 1950 онд төгссөн нь зөвлөлтийн кино урлагт эмгэлэнт инээдмийн өнгө аяс орж ирсэн юм. Эхлээд баримтат киноны ажилт томилогдсон ч уран бүтээлээ хөөмөөр санагдаж 1950-иад оны дундуураас “Хаяггүй бүсгүй”, “Торгон цэргийн дууль”, “Санал хүсэлтийн дэвтрээ”, зэрэг кинонууд дэлгэцнээ гаргажээ. Түүний бүтээлүүдээс “Орост италичууд аялсан нь”, “Хувь заяаны эргүүлэг”, “Ийм нэгэн явдал”, “Буудалд уичрсан хоёр”  зэрэг кино нь  алдартай. Байж болмооргүй юм шиг атлаа үнэхээр амьдралд тохиолддог явдлыг хөнгөн инээд, бас гуниг хослуулан яг үнэнээр нь харуулдгаараа Эльдарыг киноны уран бүтээлчид биширдэг. Хэдэн арван кино кино найруулахын зэрэгцээ тэр бас олон киноны зохиол, жүжиг бичиж олны хүртээл болгосон зохиолч.