ОХУ-ын Буриад улсын нийслэл Улан-Үдэ хотод буриадын бөө нарын өвлийн тайлга болно. Энэ тайлга цугларалтын гол зорилго нь ертөнцийн төгсгөл болно гэж итгэж үнэмшин сандарч тэвдсэн хүмүүсийг тайтгаруулах  явдал гэнэ.
Бөөгийн “Тэнгэр” төвийн бөө нар арван нэгдүгээр сарын сүүлч, бас арван хоёрдугаар сард ч хэд хээн удаа бөөлөх юм байна. Зохион байгуулагчдын хэлж байгаагаар бол ойрын үед “Хишан Улаан тэнгэр” тахилга энэ сарын 24-нд болох юм байна.  Энэ тахилга гэр бүлийн сайн сайхныг дуудах, амьдралын хүчийг нэмэгдүүлэх зорилготой гэнэ. Арванхоёрдугаар сарын 1-нд биеийн хүч чадлыг нэмэгдүүлэх, эрүүл энх, оюун санааны хүч хайрлах зорилготой “Бурхан цагаан гарвал” тахилга болно. Хамгийн гол нь ертөнцийн төгсгөл болно гэсэн цуурхалтай холбоотойгоор хүмүүсийг тайвшруулах, сэтгэл санааны сайн сайхан өөдрөг бодол хайрлах юм байна. Тэгээд 9-нд “Арын 13 ноёд”, 16-нд “Дархан энгэр” тахилга болох бол яг 22-ны өдөр дахиад “Хишан улан тэнгэр” тахилга хийх  юм байна.