Орчин үеийн Японд Зингисукан /чингис хаан/ гэдэг хоол бий.
Хонины махаар хийдэг энэ хоолыг ногооны нухаш шүүсээр амтална. Хонины аж ахуй
тэгтэл хөгжөөгүй японд хонины мах ховор зүйл. Тэгэхээр япончууд өнөөдөр гахайн
юм уу, бугын махаар голдуу хийдэг байна. Ер нь хонины мах аль ч дэлгүүр худалдааны
төвд тааралдахгүй, захын япон хүн түүгээр хоол хийж бараг чадахгүй.
Зингисукан хоолны түүх нь сонин. Өнгөрсөн ХХ зууны эхээр япончууд зүүн хойд хятад, манжуурыг эзлээд байх үед Квантуны армид дулаан хувцас хэрэгтэй байсан нь мэдээж. Цэргүүдээ дулаан хувцасаар хангахын тулд эрх баригчид хонины аж ахуй эрхлэх шийдвэр гаргаж, арьсыг нь ашиглахаас гадна хонины мах шарах маягийн монгол хоол их түгээл болсон байна. Энэ нь явсаар японд хонины махаар хийдэг, монголын эзэнт гүрнийг үндэслэгчийн нэрээр нэрлэсэн Зингисукан гэдэг хоол орж иржээ. Одоо японы хонь үржүүлдэг гол газар болсон хойд бүс нутаг Хоккайдо-д Зингисукан хоол орон нутгийн үндэсний хоол болсон байна. Хийдэг арга нь ч бас өнөөгийнхөөр бол битүү чанагчид хийдэг ч энэ нь мөн л дээрээс уламжлагдаж ирсэн, түргэн буцалгагч нь монгол цэргийн дуулгатай адил гэж нутгийнхан ярьдаг байна.
