Манжийн дарлалыг эсэргүүцсэн үндэсний эрх чөлөөний хөдөлгөөн, зэвсэгт бослогын гол удирдагчдын нэг Хотгойдын шадар ван Чингүнжавт зориулан бүтээсэн хүрэл цутгамал хөшөөний нээлт өчигдөр боллоо. “Чингүнжав” сангийнхан санаачилан бүтээсэн уг хөшөөний нээлтэд Хөвсгөл аймгаас төрөн гарсан зохиолчид, бөхчүүд, болон нутгийн уугуул иргэд оролцсон юм. Хөвсгөл аймгийн Хөгжимт драмын театрын урд талбайд Хотгойдын Чингүнжав хэмээн олноо алдаршсан цогтой дайчны бас нэгэн хөшөө сүндэрлэсэн байдаг аж.