Америкийн Локаст Гроув хотын амьтны хүрээлэнд нэгэн сонирхолтой гэр бүл байдаг. Арслан Лео, Бар Шер Хан, баавгай Балла гурав төрсөн цагаасаа эхлэн нэг гэрт амьдарсан бөгөөд тэдэнд зориулан модон байшин, хиймэл нууртай тор амьтны хүрээлэнгээс хийжээ. Найман жилийн өмнө тэднийг нэгэн хар тамхичнаас хурааж авсан гэнэ.  Тэд үргэлж хамтдаа тоглож, хооллож, унтаж, хэзээ ч бие биенийгээ төвөгшөөж байгаагүй аж.  Амьтан сургагчийн ярьснаар баавгай, бар хоёр бүүр ч илүү дотно нөхөрлөдөг байна. Тэд маш эрт босч, усанд хамт ордог байна. Харин арслан Лео унтах их дуртай. Өдрийг унтаж л өнгөрүүлдэг байна.