Өдгөө 78 настай ч залуу моделиудтай өрсөлдөхүйц санал хүлээн авсаар байгаа домогт жүжигчин Софи Лорен алдарт Пиреллийн хуанлигийн 2013 оны дугаарт зургаа авахуулжээ. Пенелопа Круз, Хиллари Сванк, Наоми Ваттс гээд ихэвчлэн одоо ид гялалзаж яваа, залуу үзэсгэлэнт бүсгүйчүүдийг нүүр царайгаараа сонгодог  Пиррелийн хуанли олон нийтэд худалдаалагддаггүй, Пирелли фирмийн VIP үйлчлүүлэгчид, улс төрчид, нэр алдартай хүмүүст бэлэг болон очдог юм.
80 шахаж яваа Софиа Лорен эхэндээ энэ саналыг сонсоод, гайхаж балмагдан, бүр инээд нь хүрч байсан ч үзээд алдахаар шийдсэн хэмээн ярьжээ. Тэрээр өдий хүртэл хөгшрөхгүй, залуу төрх, гоо сайхнаа хадгалж буй нууцаа ердөө л шпагеттины ач хэмээн хэлдэг юм.