Төрийн зайран Д.Бямбасүрэн, Төрийн батламжит туульч, хөөмэйч Б.Одсүрэн нар энэ сарын 20-нд тоглолт хийхээр болжээ. “Онгодын дуудлагатай хөөмэйн түрлэг” нэртэй уг тоглолтыг “Туурайн төвөргөөн олон улсын наадам”-ын 15 жилийн ойн хүрээнд зохион байгуулж байгаа аж. Хүн-байгаль-хөгжмийн алтан гурвалжинг таниулахын тулд монгол хөөмэй, бөө мөргөлийг хослуулан сурталчлахыг зохион байгуулагчид зорьсон гэнэ. Тэд онгодын дуудлага, хүчит эрсийн хөөмэйн түрлэгтэй монголчууд байгаль дэлхийгээ хайрлаж, тулаанд эрэлхэг ялалтыг байгуулдаг байсан юм. Тиймээс язгуур өв соёлыг залгамжлуулах нь монгол үндэстэн, улс орны оршин тогтнохын эх үндэс болно гэж хэллээ.