“Gangnam Style” дуугаараа 2012 онд дэлхий нийтийг байлдан дагуулсан Өмнөд Солонгосын уран бүтээлч PSY  энэхүү хит дууныхаа ачаар хэдхэн сарын дотор 7,9 сая ам.доллар халаасалсан гэдэг. Үнэхээр ч “Gangnam Style” дуучиндаа асар өндөр ашиг авсныг илтгэх мэт PSY  Лос Анжелосын Беверли Хиллст байр худалдан авсан гэнэ. Америкийн одод амьдардаг Беверли Хиллсийн ойролцоох Блэйр Хаус хэмээх 29 давхар байшинд тэрээр 2700 хавтгай дөрвөлжин талбай бүхий байр авчээ. Одоо 34 настай дуучин энэхүү үл хөдлөх хөрөнгийн наймаагаа тун их нууцалж, Өмнөд Солонгосоос шууд мөнгөө шилжүүлсэн байна.  Түүний худалдан авсан байр 1,25 сая ам.долларын үнэтэй ажээ.