Хятадын Харбин хотод зөөгч, тогоочоор нь роботууд ажилладаг зоогийн газар үүдээ нээжээ. Тус ресторанд ажиллах 20 робот нүүрний 10 янзын хувирал үзүүлж, хүмүүстэй мэндчилдэг учир зөөгч хийхэд ядах юмгүй ажээ. Түүгээр ч барахгүй гал тогоонд нь баншны, гоймонгийн гээд тогооч роботууд ажиллаж, өөр өөрийн үүргээ биелүүлнэ. Эдгээр ажилчин роботууд хоёр цаг цэнэглээд тасралтгүй таван цаг ажилладаг, тэдэнд цалин өгөх шаардлагагүй, үйлчлүүлэгчдийн хувьд гарын мөнгө өгөх ч хэрэггүй болж байгаа юм.