Нийслэлийн ЕБС-уудын сурагчдын дунд уламжлал болон зохион байгууллагддаг “Волейболын лиг” тэмцээн дүнгээ гаргаж, аваргуудаа тодрууллаа. Залуу тоглогчдын авъяасыг нээх, тэдний ур чадварыг сайжруулах, бие биенээсээ суралцах боломж олгодгоороо онцлогтой энэхүү тэмцээний охидын ангилалд Багануур дүүргийн “Гүн Галуутай” цогцолбор сургууль/Дасгалжуулагч-багш Д.Эрдэнэчулуун/-ийн баг алтан медаль хүртэж, Баянзүрх дүүргийн 21-р сургууль/Д.Өлзийхутаг/ болон мөн дүүргийн 48-р сургууль/Д.Батнасан/-ийн багууд мөнгө, хүрэл медалиар энгэрээ мялаав. Хөвгүүдийн өрсөлдөөнөөс дахиад л Д.Өлзийхутаг багшийн шавь нар түрүү, үзүүр булааалдан, охидынхоо авсан медалийн өнгийг алт болгон өөрчилж чадлаа. Мөнгөн медалийн эздээр Хан-Уул дүүргийн “Аварга” дунд сургууль/Ц.Энхтөр/-ийн баг тодорсон бол Багануур дүүргийн Д.Эрдэнэчулуун багшийн гарын шавь нар хүрэл медаль энгэртээ зүүлээ.


Тэмцээний шилдэг хамгаалагчаар охидоос П.Инжбулган/21-р сургууль/, хөвгүүдээс Б.Эрдэнэцог/Гүн Галуутай цогцолбор сургууль/, шилдэг довтлогчоор Б,Хишигсүрэн/21-р сургууль/, П.Чимэдрэгзэн/Аварга дунд сургууль/, тэгш тоглогчоор М.Сувдмаа/Гүн Галуутай цогцолбор сургууль/, Б.Ренчинхорол/21-р сургууль/, шилдэг холбон тоглогчоор Л.Хосбаяр, Ч.Батням/хоёул Гүн Галуутай цогцолбор сургууль/, шилдэг шүүгчээр улсын шүүгч А.Дорж/МВХ/ нар тус тус шалгарсан байна. Шилдгүүдийн шагналыг МВХ-ны дэд ерөнхийлөгч Энхтүвшин, ерөнхий нарийн бичгийн дарга Ц.Бат-Энх, Нийслэлийн БТСГ-ын мэргэжилтэн Б.Түвшинбаяр, Хан-Уул дүүргийн БТСХ-ны дарга Д.Ганболд нар гардуулав. Багийн дүнгээр Баянзүрх, Багануур, Баянгол дүүргийн баг тамирчид эхний 3 байрт шалгарлаа гэж Нийслэлийн Биеийн тамир, спортын газраас мэдээллээ.