Олон улсын ахмад настны өдрийг тохиолдуулан Геронтологийн үндэсний төвийн шинэ байрны нээлт өнөөдөр боллоо.

Шинэ байр ашиглалтад орсноор ахмад настанд үзүүлэх эмнэлгийн тусламж, сэргээн засах үйлчилгээ, сургалт, судалгааг нэг дор уялдуулан хөгжүүлэх боломж бүрджээ. Мөн сэтгэл засал, хөдөлмөр засал, танин мэдэхүйн сэргээн засах болон дижитал ур чадварын лаборатори зэрэг шинэ үйлчилгээг нэвтрүүлэхээр төлөвлөж байна.

Эрүүл мэндийн сайд Э.Батшугар ахмад настны эрүүл мэндийг хамгаалахдаа өвчнийг эмчлэхээс гадна бие даан амьдрах, нийгмийн идэвхтэй оролцоог нь дэмжих шаардлагатайг онцолжээ.

Геронтологийн үндэсний төв нь өнөөг хүртэл 10 мянга гаруй ахмад настанд мэргэжлийн тусламж үйлчилгээ үзүүлж, 50 гаруй эмч, эмнэлгийн ажилтантай ажиллаж байна. Тус төвийн шинэ барилга улсын төсвийн 4.4 тэрбум төгрөгийн санхүүжилтээр баригджээ.