Монгол Улсын Засгийн газрын шийдвэрээр зохион байгуулдаг Дүнжингаравын хурд уралдаан ирэх сарын 3-нд Хүй долоон худгийн Цагаан хөтөлд болохоор болжээ. Эл уралдаанд уяачид дээд гурван насны морьдоо сойдог уламжлалтай. Монголын Морин Спорт Уяачдын Холбооны санал санаачлагын дагуу зохион байгуулагддаг Дүнжингаравын хурд жил бүрийн хавар Төв аймгийн Зуунмод хотноо  болдог байсан. Дүнжингаравыг зохион байгуулах комисс, ММСУХ-ны тэргүүлэгчид,  уяачдын төлөөллүүд Төв аймгийн морин уралдааны замыг үзээд Дүнжингаравыг Төв аймагт зохион байгуулах боломжгүй гэсэн шийдэлд хүрчээ. Учир нь Төв аймгийн морин уралдааны зам нь олон хөндлөн зам гардаг, морь уралдахад хүндрэлтэй гэж үзсэн байна.