Сагсан бөмбөгийн од Деннис Родман Хойд Солонгост зочилж байна. Тэрээр гурван хүний хамт Пьенянд ирсэн бөгөд энэхүү аяллаараа баримтат кино хийж, ирэх сард телевизээр цацах гэнэ. Түүний Хойд Солонгост ирсэн шалтгааныг сагсан бөмбөгөөр дамжуулан АНУ, Хойд Солонгосыг хооронд нь холбох зорилготой хэмээн тайлбарлаж байна.  Харин Деннис Родман энэ тухай Твиттертээ “Би улстөрч биш. Ким Чен Ун болон Хойд Солонгосын ард түмэн сагсан бөмбөгт дуртай. Би хүн бүрт хайртай” гэж бичжээ. Үнэхээр ч Швейцарьт сурч байсан Хойд Солонгосын удирдагч Ким Чен Ун сагсан бөмбөгийн хорхойтон, тэр дундаа NBA-гийн тоглолтыг байнга үздэг гэлцдэг.
Деннис Родманаас өмнө АНУ-ын өөр нэгэн төлөөлөл болох “Google”-ийн гүйцэтгэх захирал Хойд Солонгост дөрөв хоногийн хугацаатай зочилсон билээ.