Монголын поккет бильярдын холбооноос энэ сарын 29, 30, 31-нд пүүл бильярдын улсын аварга шалгаруулах тэмцээнийг дөрөв дэх удаагаа зохион байгуулах юм байна. Тэмцээн дэлхийн пүүл бильярдын холбооноос баталсан пүүл бильярдын 10 бөмбөгийн дүрмээр насанд хүрэгчид эрэгтэй, насанд хүрэгчид эмэгтэй, өсвөр нас гэсэн төрлөөр зохиогдох аж. Тэмцээн III хорооллын “Баялаг” төвд байрлах “Шайн бильярд” клубт гурван өдөр үргэлжлэх юм байна. Эл тэмцээний шагналын сан 3,5 сая төгрөг юм байна.