Монгол Улсын Хөдөлмөрийн баатар, Гавьяат тамирчин П.Сэрдамба зодог тайлсан тухайгаа “Өдрийн сонин”-д өгсөн ярилцлага өгөх үедээ хэлжээ. Тэрээр, “Би зодог тайлчихсан. Цаашид Монголын олимпийн боксын холбооны ерөнхий нарийн бичгийн даргын үүрэгт ажлаа хийх болно. Миний хувьд өөрийгөө хангалттай гэж бодож байна. Тиймээс цаашид шинэ, залуу гарч ирж байгаа хүүхдүүдээ дэмжих хэрэгтэй гэж бодсон” гэжээ.
Насны хувьд залуу байгаа ч эрхэм боксчин маань шинэ залуу үеэ бэлтгэх, монголын боксыг дэлхийн түвшинд гарахад өөрийн оюун ухаанаа зориулахаар шулууджээ.