Монголын үндэсний сагсан бөмбөгийн холбооны 14 хүртэлх насны өсвөрийн шигшээ багийн тамирчид өнөөдөр эх орноосоо мордлоо. Тэд энэ сарын 3-8-нд сагсан бөмбөгийн өлгий нутаг АНУ-ын Охайо мужийн Клевеленд хотод болох “Clevelend Cavaliers Continental Cup-2013” олон улсын тэмцээнд оролцохоор явж байгаа юм. Тэмцээнд дэлхийн 20 улсын 300 гаруй өсвөрийн сагсан бөмбөгчид хурд, хүч, авьяас чадвараа сорих бөгөөд Америкийн алдарт “Clevelend Cavaliers” багийн “Quicken Loans Arena”-д тоглолтууд нь явагдах юм. Өсвөрийн шигшээ баг тамирчид маргааш эхний тоглолтоо Грекийн багийн эсрэг хийх аж.
Энэ жил ерөнхий боловсролын сургуулиудын дунд Монголын улсын Ерөнхий сайд Н.Алтанхуягийн санаачилгаар зохион байгуулсан “Бид нэг багийнхан” төсөл болон өсвөрийн улсын аваргуудаас дээрх тамирчдыг сонгон шалгаруулж, багаа бүрдүүлжээ.