Монголын шигшмэл хурдан морьдын Их Хурд наадам өнөөдөр Өвөрхангайн Хархоринд болж, азарганы уралдаанд алдарт “Улс” халзан түрүү магнай хүртжээ. Гурван жил тутам зохион байгуулдаг энэ наадмын азарганы уралдаанд шигшмэл 57 морьд уралдсанаас Өмнөговь аймгийн Цогтцэций сумын уугуул, манлай уяач Д.Бат¬-Эрдэнийн “Улс” халзан түрүүлсэн байна. Энэ жилийн баяр наадмаар улсадгурав дахиа түрүүлж, түмэн олныг баясгасан энэхүү хурдан буян Сүхбаатар аймгийн Түмэнцогт сумын унаган адуу гэдэг. Одоо найман настай энэ адууг Б.Наранхүү Д.Бат-Эрдэнэд бэлэглэжээ.