Японы мэргэжлийн сумогийн  долдугаар сарын нагоя башёд түрүүлж, Эзэн хааны цомыг 26 дахь удаагаа хүртсэн их аварга Хакухо М.Даваажаргал даваа гарагийн  орой эх орондоо хүрэлцэн ирлээ. Түүнтэй хамт ёкозуна Харумафүжи Д.Бямбадорж, Кёкүтэнхо Н.Цэвэгням, Шотэнро Д.Нямсүрэн нар бас эх орондоо амрахаар ирсэн байна.

Сумо бөхийн дээд зиндаанд 26 дахь түрүүгээ авч, Монголоос төрсөн анхны ёкозуна Асашёорюү Д.Дагвадоржийн амжилтыг эвдсэн Хакухо аварга энэ удаа  мөрөндөө гэмтэлтэй байсан ч  сайн барилдаж түрүү авлаа гэж Ёкозунагийн зөвлөл үнэлжээ. Ёкозунагийн зөвлөлийн гишүүд ёкозуна Харумафүжи Д.Бямбадоржийг шүүмжилж, ирэх есдүгээр сарын намрын башёд гурваас дээш унавал ёкозуна цолыг хураах тухай эхний сануулга өгсөн гэнэ.