Азийн хүүхдийн спортын наадам БНХАУ –ын Наньжин хотноо энэ сарын 16-24 –ний хооронд болох гэж байна. Энэхүү наадам нь ирэх жил болох хүүхдийн олимпын өмнөх томоохон туршилт бөгөөд бэлтгэл ажлынх нь шалгуур болох учиртай.  Тиймээс ч спортын 16 төрлөөр зохиогдох эл наадамд нийт 45 орны хүүхэд багачууд 118 багц медалийн төлөө хурд хүч, авхаалж самбаа сорих юм.  Харин манай улсын хувьд хөнгөн атлетик, сагсан бөмбөг, туялзуур сэлэм, гандбол, хүндийн өргөлт, усан спорт, жүдо зэрэг спортын арван төрөлд 76 тамирчнаа өрсөлдүүлнэ. Монголын багийн ахлагчаар МҮОХ –ны Гүйцэтгэх зөвлөлийн гишүүн Ч.Зоригтбаатар, багийн тугчаар ширээний теннисийн тамирчин, Улсын хошой аварга М.Дэлгэрмаа нар сонгогдсон байна. Өнгөрсөн 2009 онд зохиогдсон Сингапурт болсон Ази тивийн хүүхдийн наадамд манай улс 27 тамирчин оролцож байсан юм.