Ардын хувьсгалын 92 жилийн ойн баяр наадмын Үндэсний бөхийн барилдаанд тав даван “Улсын начин” цол хүртсэн “Увс нуур” дэвжээний бөх Т.Баасанхүүд хүндэтгэл үзүүлэх наадам өнгөрсөн амралтын өдөр болж өнгөрчээ. Баярын хүрээнд дөрвөн насны морь уралдан, аймаг цэргийн цолтой 64 бөх зодоглож, наадамчин олныг баясгасан уран барилдаануудыг үзүүлсэн юм. Бөхийн барилдаанд Тэс сумын харъяат аймгийн арслан Н.Жаргалбаяр түрүүлж, Тэс сумын харъяат аймгийн арслан Х.Оргилболд үзүүрлэсэн байна.
Увс аймгийн Тэс сум нь улсын цолтой бөхчүүдээрээ тэргүүн эгнээнд бичигддэг бол шинэ начин Т.Баасанхүү нь Тэс сумаас төрсөн 12 дахь улсын цолтон болж байгаа юм.