Ардын хувьсгалын 92 жилийн Үндэсний их баяр наадмаас ес даван түрүүлж, Монгол Улсын аварга цол хүртсэн Г.Эрхэмбаярт төрсөн нутаг Сэлэнгэ аймгийн Мандал сумын зон олон хүндэтгэл үзүүлж, цолыг нь мялаах наадам өнөөдөр болж байна.
Өмнө нь Сэлэнгэ аймгийн төвд шинэхэн аваргад хүндэтгэл үзүүлэх наадам болж хүчит 128 бөх барилдаж байсан бол өнөөдөр төрсөн нутгийнхан ийн шинэ аваргынхаа баярыг хуваалцаж байгаа нь энэ аж. Эл наадамд хүчит бөхийн барилдаанаас гадна, их нас, шүдлэн, хязаалан насны морьдын уралдаан болох юм байна.