Үндэсний их баяр наадамд шөвгөрсөн 16 бөхөөс жил бүр допингийн шинжилгээ авч БНСУ-д илгээдэг. Тэгвэл энэ жилийн шөвгөрсөн бөхчүүдийн шинжилгээ БНСУ-аас хэзээ ирэхийг МҮОХ-ныхноос тодруулахад “Бөхчүүдийн  допингийн шинжилгээний хариу энэ сарын сүүлээр ирнэ.  Учир нь, манай улсад энэ жил зохиогдсон жүдо бөхийн “Гран при” тэмцээнээс медаль хүртсэн тамирчдын шинжилгээтэй хамт явуулсан юм. Нийтдээ 60 гаруй тамирчны сорьц явуулсан болохоор ачаалал их байгаа тул энэ сарын сүүлээр хариуг нь явуулна гэж  БНСУ-ын талаас мэдэгдсэн юм” гэв.