Ардын хувьсгалын 92 жилийн ойн баяр наадмаар зургаа даван улсын харцага цол хүртсэн Булган аймгийн Сайхан сумын харьяат, олимпын алт, мөнгөн медальт, хөдөлмөрийн баатар Н.Түвшинбаяр өнгөрсөн амралтын өдрөөр цолныхоо мялаалга наадмыг төрсөн нутагтаа зохион байгуулжээ. Мялаалга наадамд зориулж хүчит 64 бөх барилдсанаас Булган аймгийн Бүрэгхангай сумын харьяат Улсын заан М.Өсөхбаяр түрүүлж, Архангай аймгийн Хашаат сумын харьяат Улсын заан Ч.Санжаадамба үзүүрлэжээ.
Мөн энэ наадамд их нас, азарга, даага гэсэн гурван насны морьдын уралдаан болсон байна.