АНУ-ын сагсан бөмбөгийн од Деннис Родман сүүлийн зургаан сарын дотор хоёр ч удаа Хойд Солонгост зочилж, тус улсын хүндэт удирдагчтай дотно найзууд болоод байгаагаа зарласан. Хойд Солонгост хамгийн сүүлд зочлоод ирснийхээ дараа Ким Чен Ун бол маш сайн аав хэмээн хэвлэлийн хурал хийлгэн байж удирдагч найзыгаа магтсан Деннис ирэх 2016 оны олимпод Хойд Солонгосын сагсан бөмбөгийн багийг дасгалжуулахаар болсон байна. Ер нь, тэрээр ойрын хэдэн жилдээ Хойд Солонгос руу жим гартал зорчих бололтой. Ирэх нэгдүгээр сард тохиох Ким Чен Уны төрсөн өдөрт зориулж Америкийн хэд хэдэн сагсан бөмбөгийн одыг дагуулан Пеньянд очиж тоглох гэж байгаа гэнэ.