Казахстаны Алмата хотод болох боксын Дэлхийн аварга шалгаруулах тэмцээнд Монгол Улсын шигшээ багийн 64-ын жинд хэн оролцох вэ гэдгийг шийдэх тулаан дөнгөж сая Эрдэнэт хотын Сэлэнгэ амралтын газарт боллоо. Энэ жинд Монгол Улсын гавьяат тамирчин У.Мөнх-Эрдэнэ, ОУХМ З.Энхзориг нар тулалдсан юм. МОБХ-ноос Улсын аварга шалгаруулах тэмцээнд түрүүлсэн З.Энхзоригийг ДАШТ-д оролцуулахаар шийдвэр гаргасан бол Гавьяат тамирчин У.Мөнх-Эрдэнийн хувьд жиндээ дэлхийд нэгдүгээрт бичигдэж байгаа юм.
Тиймээс У.Мөнх-Эрдэнийн хувьд Дэлхийд чансаагаараа нэгдүгээрт бичигдэж байгаа болохоор би орно гэдгээ илэрхийлсэн. Харин Боксын холбооноос хоёр тамирчныг тулалдуулаад хэн ялсныг нь ДАШТ-нд оролцуулахаар шийдвэр гаргасны дагуу хоёр тамирчин тулалдаж 146 оноогоор Гавьяат тамирчин У.Мөнх-Эрдэнэ Казахстаны Алматад болох ДАШТ-нд эх орноо 64-д төлөөлөн тулалдахаар боллоо.