Манай улсын усан спортын тамирчид эх орноо төлөөлөн анх удаа олон улсын тэмцээнд оролцох гэж байна. АНУ-ын Бостон хотноо энэ сарын 19-20-ны хооронд болох “Сэлүүрт завины” ДАШТ-нд Г.Түвшинзаяа, Б.Дөлгөөн нар хоёр хүний, сэлүүрт завины төрөлд хүч үзэх ажээ. Тамирчид бэлтгэл сургуулилтаа сайн хангасан бөгөөд тэмцээн эхлэхээс өмнө Бостон хотноо дахин 14 хоног бэлтгэл хийх гэнэ. Г.Түвшинзаяа хэлэхдээ “Монголын усан спортын тамирчид дэлхийн шилдгүүдтэй өрсөлдөх цаг болсон. Манай тамирчдад бүхий л нөхцөл боломж, авьяас чадвар бий. Гол нь, тууштай хичээллэвэл олимпд ч орох боломжтой. Ямайкчууд өвлийн олимпд оролцож байхад бид яагаад чадахгүй гэж” хэмээсэн юм.